10.3. Filmstripe

10.3. Filmstripe
	10. Kombineringsfiltra

Figur 17.194. Eksempel på bruk av filteret «Filmstripe»

Det opphavlege biletet

Filteret «Filmstripe» brukt

Filteret «Filmstripe» let deg setja inn eitt eller fleire bilete på ein filmstrimmel.

	Notat
	Dette filteret inverterer ikkje fargane, så det imiterer ikkje ein negativ film, altså ein slik film som det vert laga papirbilete av. I staden kan du tenkja deg at det imiterer eit lysbilete eller ein kinofilm.

Du finn dette filteret i Filter → Kombiner → Filmstripe ….

Figur 17.195. Innstillingane for filteret «Filmstripe» (utval)

Filmstripe

Tilpass høgda til bileta: Brukar høgda på det opphavlege biletet i det endelege biletet.
Filmhøgd: Her kan du bestemma høgda på sluttbiletet. Dersom bileta har ulike format, vert dei skalerte til den høgda du skriv inn her.
Filmfarge: Ved å klikka på fargeruta kan du definera fargen på sjølve filmen, altså det som er rundt og mellom bileta.

Nummerering

Biletutval

Tilgjengelege bilete: Viser bileta som kan flettast. Bileta er dei som alt er opna i GIMP.
På film: Viser bileta som skal vere med på filmen.
Legg til: Denne knappen vert brukt for å leggja eit tilgjengeleg bilete over i lista «På filmen».
Fjern: Trykk på denne knappen for å flytta eit bilete frå «På filmen» til «Tilgjengelege bilete». Biletet vert nå ikkje brukt i sluttdokumentet.

Figur 17.196. Innstillingane for filteret «Filmstripe» (Avansert)

Bilethøgde: Definerer høgda på kvart bilete i det ferdige biletet.
Biletavstand: Definerer avstanden mellom bileta som vert sette inn i den framtidige biletet.
Holforskyving: Bestemmer kor langt gripeholet skal vere frå biletkanten.
Holbreidde: Bestemmer kor breie gripehola skal vere i det endelege biletet.
Holhøgd: Bestemmer kor høge gripehola skal vera i det ferdige biletet..
Holavstand: Bestemmer avstanden mellom gripehola
Talhøgde: Bestemmer høgda på indekstala, proporsjonale med bilethøgda.