“Den intelligente saksa” er eit interessant stykke verktøy. Det kan likna litt på “Lassoen”, men har også ein del av eigenskapane til baneverktøyet, i tillegg til noen som er spesielle for dette verktøyet. Saksa er særleg nyttig for å velje ut område som er avgrensa med sterke fargekontrastar. Når du bruker saksa, klikkar du av for eit sett med “kontrollpunkt” rundt kanten av det området du ønskjer å velje ut. Saksa vil setje opp ei kurve som går gjennom desse kontrollpunkta medan kurva følgjer mest mogleg dei fargekantane som måtte finnast mellom punkta. Dersom du er heldig, vil dette også vere konturen av det området du ønskjer å markera.

Kvar gong du venstreklikkar med museknappen, set du av eit kontrollpunkt. Dette blir bunde til det førre kontrollpunktet med ei kurve som prøver å følgje fargeskilnadane i biletet. For å avslutta, klikkar du på det første punktet. (Markøren endrar utsjånad for å vise at du har funne det første punktet). Du kan justera kurva ved å dra i kontrollpunkta, eller setja inn nye punkt. Når resultatet er slik du vil ha det, klikkar du ein eller annan stad innføre området for å lage utvalet om til ei markering.

Diverre ser det ut til at kantføljingslogikken ikkje fungerer heilt slik han er tenkt. Markeringane kan bli nokså dårlege til sine tider. I slike tilfelle kan det vere lurt å slå over til snarmaske og bruke teikneverktøya på problemområda. I det heile er kanskje baneverktøyet meir brukbart enn saksa, sjølv om det ikkje har den “intelligente” kantfinningslogikken som saksa har. Banane står der til du fjernar dei, og kan bli endra når du har behov for det.