9.25. Innstillingar for rutenettet

9.25. Innstillingar for rutenettet
	9. Menyen “Bilete” i biletmenyen

Revisjonshistorie
Revisjon $Revision: 2310 $	2007-02-20	KoSt

Kommandoen innstillingar for rutenettet blir brukt for å bestemma utsjånaden for rutenettet du kan legge over biletet for å gjere tilpassingane meir nøyaktige. Du kan velje farge for nettet, avstanden mellom linjene og forskyving i høve til biletet. Endeleg kan du også velje mellom fem ulike rutemønster.

9.25.1. Aktivering

Du har tilgang til denne undermenyen på biletmenyen via Bilete → Innstillingar for rutenettet.

9.25.2. Beskriving av dialogen “Innstillingar for rutenettet”

Figur 15.89. Beskriving av dialogen “Innstillingar for rutenettet”

Utsjånad

Du bruker dette dialogvindauget for å bestemma utsjånaden på det rutenettet som kjem fram når du aktiverer rutenettet.

Linjestil

Kryss (prikkar): Dette er den minst iaugnefallande stilen, med ein liten prikk i kvart krysningspunkt.
Kryss (trådkors): Dette er normalstilen, og syner eit lite kryss i kvart av krysningspunkta.
Stipla: Denne stilen viser stipla linjer. Dersom desse linjene er svært nære kvarandre, kan rutenettet bli vanskeleg å bruke.
Dobbeltstipla: Denne stilen viser stipla linjer der fargen på linjene vekslar mellom forgrunnsfargen og bakgrunnsfargen annakvar gong.
Heiltrukke: Denne stilen viser heiltrukne linjer i forgrunnsfargen.

For- og bakgrunnsfarge

Klikk på fargeruta for å velje farge for rutenettet.

Mellomrom

Breidde og høgde: Du bestemmer her cellestorleiken for nettet, dvs. avstanden mellom linjene, i den måleeininga du ønskjer.

Forskyving

Breidde og høgde: Du bestemmer kor mykje rutenettet skal forskyvast i forhold til biletet. Koordinata har, som vanleg, utgangspunkt i øvre, venstre hjørne (0,0).