7.6. Supernova

7.6. Supernova
	7. Lys- og skyggefilter

7.6.1. Oversyn

Figur 16.86. Eksempel på bruk av filteret

Originalbiletet

Etter bruk av filteret “Supernova”

Dette filteret lager ei stor stjerne med stråler i biletet. Filteret verkar både på gråskala- og RGB-bilete. Lysmengda avtar omvendt proporsjonalt med avstanden frå midten av stjerna.

7.6.2. Aktivering

Du har tilgang til filteret frå biletmenyen via Filter → Lys og skygge → Supernova

7.6.3. Innstillingar

Figur 16.87. Innstillingane for filteret “Supernova”

Førehandsvising

Førehandsvisinga syner endringane i biletet etter kvart som du endrar parametra. Endringane blir ikkje lagt inn i biletet før du trykke på knappen OK.

Sentrum for novaen

X, Y: Du kan plassere supernovaen i biletet anten ved å klikke med musepeikaren der du ønsker effekten, eller du kan skrive inn koordinatverdiane i boksane for X og Y.

	Tips
	For å sentrere supenovaen nøyaktig, vel innstillinga “Prosent” i nedtrekkslista og sett X og Y til 50 %.

Vis markøren: Dette valet gjeld ikkje den vanlege musemarkøren, men to hjelpelinjer som krysser kvarandre i sentrum for effekten.

Farge

Klikk på fargeruta for å opne den vanlege fargedialogen for å bestemma fargen på effekten.

Radius

Dette er radius for senterområdet til supernovaen. Talet på pikslar i novaen er kvadratet av radius.

Stråler

Her bestemmer du kor mange stråler (1-1024) supernovaen skal sende ut.

Tilfeldig kulør

Denne glidebrytaren bestemmer kva område (0° til 360°) på fargesirkelen som skal brukast for å setje farge på supernovaen.