2.5. Fartssløring

2.5. Fartssløring
	2. Sløringsfiltra

2.5.1. Oversyn

Figur 16.13. Eksempel på bruk av filteret

Originalbilete

Lineær sløring

Figur 16.14. Eksempel på bruk av filteret

Radial sløring

Zoom-sløring

Som namnet seier, blir dette filteret brukt for å gi ei kjensle av fart eller rørsle. Filteret kan brukast for å imitere lineær rørsle, radiell rørsle og zoom-rørsle i biletet. For kvar av desse kan du justere lengde og vinkel. For radiell rørsle og zoom-immitering kan du også bestemme possisjonen for sentrum av sløringa.

2.5.2. Aktivering

Du har tilgang til filteret frå biletmenyen via Filter → Sløring → Fartssløring

2.5.3. Innstillingar

Figur 16.15. Innstillingane for filteret «Fartssløring«

Sløringstype

Lineær: rørsle slører i ei bestemt retning. I denne innstillinga betyr Lengde det same som radius i andre filter, altså mengde av sløring. Stor lengde betyr meir sløring. Glidebrytaren Vinkel bestemmer retninga på sløringa mellom 0° og 360°.

Radial: rørsle lagar ei sirkulær sløring som simulerer rotasjon. Glidebrytaren Vinkel bestemmer kor mykje biletet skal roterast. I dei to tekstboksane for X og Y kan du skrive inn koordinata for sentrum for rotasjonen.

Zoom: Lagar ei sløring som strålar ut frå eit sentrum. Verknaden av sløringa er minimal i midten, men aukar mot ytterkantane av biletet, avhengig av innstillinga for glidebrytaren Vinkel. Filteret imiterer verknaden av å bruke zoomobjektivet aktivt medan du tar biletet. Dess høgare vinkelverdi, dess større fart. I dei to tekstboksane for X og Y kan du skrive inn koordinata for sentrum for rotasjonen.

Blur Parameters

Lengde: Denne glidebrytaren bestemmer kor langt pikslane blir flytt. Skala 1 - 256.
Vinkel: Verknaden av denne er avhengig av sløringstype. Sjå ovanfor. Skala 0 - 360.

Sløringssentrum

Desse innstillingane bestemmer sentrum for rotasjonen eller forsvinningspunktet for zoominga. Kontrollane verkar ikkje på lineær sløring.

	Tips
	Diverre er det ikkje råd å setje koordinata for sentrum ved å klikke på biletet eller førehandsvisinga. Når du fører musepeikaren over biletet, blir koordinata vist nede i venstre hjørne av biletvindauget. Bruk desse for å skrive inn sløringssentrum i dialogen.