5.8. Lagra som

5.8. Lagra som
	5. “Fil”-menyen i biletvindauget

Revisjonshistorie
Revisjon $Revision: 1917 $	2007-02-08	KoSt

Kommandoen Lagra som opnar dialogen “Lagra biletet”. I utgangspunktet viser dialogen eit innskrivingsfelt for å gi fila eit namn, og ei nedtrekksliste med bokmerke for å velje ein stad å lagra biletet. Normalt blir filtypen bestemt ut frå utvidinga du skriv inn, t.d. .jpg for ei JPEG-fil. Du kan også opna for Vel filtype og plukke ein filtype frå lista. Det er lett å velje feil filtype, så ver litt forsiktig om du bruker denne metoden.

Dersom du ikkje finn den ønskte lagringsplassen i denne lista, kan du klikka for Bla etter andre mapper for å opna dialogen i full storleik. Du kan finna meir om utsjånaden og om korleis bruke bokmerke i avsnittet Filer.

Dersom du har lagra biletet tidlegare, og ikkje har behov for å gjere endringar i noen av innstillingane, kan du bruke kommandoen Lagra i staden.

5.8.1. Aktivering

Du har tilgang til denne kommandoen frå biletmenyen via Fil → Lagra som

5.8.2. Den vanleg dialogen for “Lagra som”

Det er to ulike utgåver av dialogvindauget for Lagra som. I den enkle forma kan du bare skrive inn filnamnet og velje mappa biletet skal lagrast i. Dersom mappa ikkje finst i lista, kan du skrive inn heile banen til fila, saman med filnamnet. Ønskjer du tilgang til heile harddisken, klikker du på Bla etter andre mapper for å opna filutforskaren. Endeleg kan du også bestemme filformatet ved å skrive ei høveleg filutviding som t.d. .xcf eller .png.

Figur 14.29. Normaldialogen “Lagra bilete”

5.8.3.

Figur 14.30. Dialogen “Lagra” med filutforskaren

Det venstre panelet er delt i to. I den øvre delen finn du ei liste over hovudkatalogane og tilgjengelege lagringsmedia. Du kan ikkje gjere endringar i denne lista. Den nedre delen viser bokmerka dine. Du kan legge til eller fjerne desse etter behov. For å legge til eit bokmerke, vel du ein katalog eller ei fil i midtpanelet og trykker på knappen Legg til. Dersom maskinen din er sett opp slik, kan du også bruke Legg til bokmerke i menyen som kjem fram når du høgreklikkar. Du kan fjerne eit bokmerke ved å markera ønskt merke og trykke på knappen Fjern.

Det midtre panelet viser kva filer som finst i den valde katalogen. Her kan du dobbeltklikka på eit katalognamn for å bytte katalog. Du vel ut ei fil ved å klikka på filnamnet ein gong og deretter trykke på knappen Lagra, eller enklare, ved å dobbeltklikka på filnamnet.

Du kan høgrekklikka i midtpanelet for å få fram dialogvindauget Vis skjulte filer.

Det markerte biletet blir vist i vindauget Førehandsvis dersom det kan opnast i GIMP. Like under miniatyren finn du data om filstorleik, oppløysing og oppsettet elles.

Dersom biletet er endra av eit anna program, kan du klikka på vindauget Førehandsvis for å oppdatera det.

	Notat
	Dersom biletet er lagra tidlegare, vil GIMP føreslå å bruke same filnamnet. Dersom du trykker på Lagra, vil den gamle fila bli overskriven med det nye biletet.

Denne nedtrekkslista er bare tilgjengeleg frå normalforma av dialogen. Lista gir eit oversyn over bokmerke du kan velje mellom for å lagre biletet ditt.

Banen for den opna fila blir vist over det midtre panelet. Du kan klikka på knappane for å navigera deg fram i katalogane.

Dersom du ikkje finn noen høveleg katalog å lagra biletet i, kan du kreere ein ny ved å klikke på knappen Lag mappe og følgje instruksjonane som kjem fram.

Denne knappen syner normalt Alle filer. Dette betyr at alle filtypane blir viste i midtpanelet, også om dei ikkje er biletfiler. Du kan filtrere denne visinga til ein bestemt filtype.

Den vesle knappen Vel filtype er normalt sett til Etter filtype. Dette betyr at filtypen blir bestemt ut frå kva “etternamn” du gir fila, for eksempel “.jpg” for JPEG-formatet.

	Notat
	For å behalda dei fleste komponentane i biletet ditt, — lag, kanalar osv. — bruk ".xcf" formatet som er GIMP sitt eige biletformat.