8.4. Zoom

8.4. Zoom
	8. Vis

Revisjonshistorie
Revisjon $Revision: 1927 $	2007-02-15	KoSt

Figur 14.47. Innhaldet i “Zoom”-menyen

Undermenyen Zoom inneheld ein del kommandoar som påverkar kor stort, eller lite, biletet skal visast på skjermen (“zooming”). Det kan verre nyttig å forstørre biletet når du treng å arbeide nøyaktig, anten det nå er for å forandra enkelte pikslar, eller det er å gjere ei nøyaktig markering. På den andre sida kan det vere nyttig å forminska biletet for å få oversyn over korleis det eigentleg ser ut. Sidan zooming ikkje påverkar biletdata, kan denne funksjonen ikkje angrast.

	Tips
	I tillegg til denne undermenyen, kan du også finne ein liknande meny nedst i biletvindauget, dersom du ikkje har deaktivert statuslinja. Ein annan zoom-meny finn du i navigeringsdialogen. Endeleg kan du også bruke verktøyet Forstørr og forminsk i verkøtskrinet. Med dette kan du forstørre eller forminske bestemte område av biletet.

8.4.1. Aktivering

Du får tilgang til denne undermenyen på biletmenyen via Vis → Zoom.

8.4.2. Innhaldet av undermenyen “Zoom”

Dei ulike kommandoane i denne undermenyen er beskrivne nedanfor, eventuelt med tastesnarvegar dersom slike finst.

Forminsk

(Snarveg: -) Kvar gong du bruker denne blir biletet forminska ca. 30 %. Nedre grense er 0,39 %.

Forstørr

(Snarveg: +) Kvar gong du bruker denne blir biletet forstørra ca. 30 %. Øvre grense er 25 600 %.

	Notat
	Tastesnarvegen for “Forstørr” har vore litt kontroversiell fordi det er ein mykje brukt kommando og på dei engelske tastatura må du halde nede Shift-tasten for å bruke han. Dette er ikkje nødvendig på europeiske tastatur. Skulle du av ein eller annan grunn ha behov for å lage ein ny snarveg, kan du gå inn på Brukargrensesnitt i menyen innstillingar.

Tilpass biletet i vindauget

(Snarveg: Shift-Ctrl-E). Denne kommandoen gjer biletet så stort som mogleg, men likevel slik heile biletet har plass i vindauget. Dette kan av og til føre til at det blir ledig plass på ei eller to av sidene, men aldri på alle fire sidene.

Tilpass biletet til vindauget

Denne kommandoen gjer biletet så stort som mogleg, men utan ledig plass på noen av sidene. Dette fører til at biletet passer perfekt til biletvindauget i ei retning, men at deler av biletet kan vere utanfor biletvindauget i ei anna retning.

A : B (X%)

Her kan du velje mellom ulike forstørringsnivå. Nivået 100 % har snartasten 1.

Andre

Denne kommandoen opnar ein dialog der du kan skrive inn kva forstørringsgrad du ønskjer innføre området 1 : 256 (0,39 %) og 256 : 1 (25 600 %).

	Tips
	Når du arbeider på pikselformat, kan det vere fornuftig å bruke kommandoen Ny visning slik at du kan sjå kva som hender med biletet.