5.3. Støvfjernar

5.3. Støvfjernar
	5. Forbetringar

5.3.1. Oversyn

Figur 16.45. Eksempel på bruk av filteret

Originalbilete

Etter bruk av filteret “Støvfjernar”

Dette filteret blir helst brukt for å fjerne støvflekkar og riper på eit skanna foto, men kan også fjerne moiré-mønster på bilete skanna frå t.d. eit blad. For å unngå uventa effektar på resten av biletet, må du isolera defektane før du bruker filteret.

5.3.2. Aktivering

Du har tilgang til filteret frå biletmenyen via Filter → Forbetra → Støvfjernar

5.3.3. Innstillingar

Figur 16.46. Innstillingane for filteret “Støvfjernar”

Førehandsvising

Førehandsvisinga syner forandringane før du legg dei inn i biletet.

Median

Tilpassa: Dersom denne er aktivert, blir radius for innhaldet i biletet eller utvalet bestemt ut frå eit histogram. Glidebrytaren Radius er i så tilfelle ikkje aktiv. Denne innstillinga gir som oftast eit betre resultat enn når du stiller inn radius for hand.
Rekursiv: Dersom denne er avmerka, blir filteret køyrd fleire gonger for å forsterka verknaden.

Innstillingar

Radius: Her bestemmer du kor stort område filteret skal verke på. Skalaen går frå 1 (3 × 3 pikslar) til 20 (41 × 41 pikslar). Brytaren verkar ikkje dersom det er merka av for innstillinga Tilpassa.
Svartnivå: Fjernar pikslar som er mørkare enn innstillinga på denne glidebrytaren (0-255).
Kvitnivå: Fjernar pikslar som er lysare enn innstillinga på denne glidebrytaren (0-255).