Kommandoen Kvitbalanse justerer automatisk fargane i det aktive laget ved å strekke ut kanalane for raud, grøn og blå kvar for seg. Dette blir gjort ved at fargar som blir brukte av mindre enn 0,05 % av pikslane i laget blir fjerna frå kvar ende av kvart av histogramma for raud, grøn og blå. Dei resterande pikslane blir best mogleg fordelte i det ledige området. Resultatet blir at fargar som bare finst i små mengder i ytterpunkta av histogramma (dette er kanskje støvflekkar o.l.) ikkje har noen negativ påverknad på maksimums- og minimumsverdiane som bli brukte for å strekke histogrammet. På same måten som for Strekk kontrast, kan du oppleva kulørskifte i det ferdige biletet. «Kvitbalanse» verkar på lag frå RGB- og gråskalabilete. Er biletet indeksert, er kommandoen uverksam.

Dette valet passar for bilete med manglande svart eller kvit. Sidan det har ein tendens til å føye til svart eller kvitt, kan det vere nyttig t.d. for å forbetra foto.

Kvitbalanse arbeider på biletlag i RGB-bilete. Er biletet indeksert eller i gråskala, vil menyoppføringa vere uverksam og utgråa.