Dette filteret vert brukt for å laga diffraksjons- eller bølgjeinterferensteksturar. (Diffraksjon er avbøyingar av lysstrålar). Du kan endra frekvens, konturar og skarpe kantar for kvar av RGB-kanalane. Du kan også setja lysstyrke, spreiing og polarisering av teksturen. Det er ingen automatisk førehandsvising, så du må trykkja knappen for førehandsvising for å oppdatera. På et tregt system kan dette ta litt tid. Merk at resultatet ikke avhenger av kva biletet som er der frå før.

Filteret kan vera nyttig når du ønskjer å laga intrikate mønster. Det er perfekt for å laga psykedeliske, batikkliknande mønster eller for å imitera mønster i glassmaleri t.d. i kyrkjevindauge.

Det ser ut til at filteret simulerer fenomenet som oppstår når lys vert brote ved å treffa, eller passera, ein skarp kant. Diverre er dette filteret så dårleg dokumentert av utviklarane at det er uråd å gje nærare forklaringar på dei ulike innstillingane. Du må rett og slett prøva deg fram. Heldigvis er filteret så allsidig at omtrent uansett kva innstillingar du brukar vert resultatet interessant.

Du finn dette filteret i hovudmenyen under Filter → Teikningar → Mønsterelement → Diffraksjonsmønster ….