I GIMP sin terminologi er eit filter eit programtillegg som modifiserer innhaldet i eit bilete, og då som regel ved at endringane vert gjort i det gjeldande laget. Diverre følgjer ikkje alle utviklarane denne definisjonen. Mange programtillegg vert kalla filter, enda om dei ikkje forandrar noko som helst i sjølve biletet.

Med unnatak av dei øvste elementa i Filter-menyen, er alle dei andre elementa programtillegg. Sidan kvart programtillegg sjølv bestemmer kva meny det skal leggjast i, kan innhaldet i menyane variera frå brukar til brukar. I praksis er likevel variasjonane små sidan dei fleste programtillegga kjem saman med GIMP, og dei er sjølvsagt alltid på same staden.

Programtillegga er ikkje avgrensa til berre Filtre-menyen: eit programtillegg kan leggjast inn i kva meny som helst. Mange av dei grunnleggjande funksjonane i GIMP (for eksempel Halvutflating i Lag-menyen) er programtillegg. Men menyen Filter er den vanlegaste staden å leggja eit programtillegg.

Du kan finne meir om programtillegga og bruken av dei i Del 1, «Programtillegg». Vidare finn du meir informasjon om kvart av filtra som følgjer med GIMP i Kapittel 17, Filter. Dersom du installerer filter sjølv, må du referera til informasjonen som følgjer med filtra.