Viss du har bilete som tek opp stor plass på harddisken, kan du redusera plassen utan å endra biletdimensjonane. Ei av dei beste biletkomprimeringane får du ved å bruka JPG-formatet, men sjølv om biletet alt er i dette formatet, kan du til vanleg likevel få det til å ta mindre plass sidan JPG-formatet har eit adaptivt komprimeringsskjema som tillét lagring i mange kompresjonsnivå. Avveginga er at dess mindre plass eit bilete tek, dess fleire detaljer frå det opphavlege biletet mister du. Du bør også vera klar over at for kvar lagring mistar du ein del biletdetaljar.

Bilete vert lagra og lasta inn som .XCF-filer. Biletet ditt er altså lasta inn som XCF. I GIMP kan du velja mellom Fil → Overskriv biletnamnet.jpg eller File → Eksporter som for å opna dialogvindauget for «Eksporter bilete»>.

Dialogvindauget vert opna med filnamnet som alt er vald i Namn med standardutvidinga. Slett den brukte utvidinga og skriv «.jpg» i staden. GIMP vil bestemma filtypen frå utvidinga. Trykk Eksporter. Dette opnar dialogvindauget Eksporter biletet som JPEG som inneheld Kvalitet-kontrollane.

I dialogvindauget Eksport biletet som JPEG kan du bruka dei førehandssette verdiane for å redusera filstorleiken utan at det går nemnande ut over biletkvaliteten. Dette er den enklaste og raskaste måten å gjera det på.

Du kan redusera biletkvaliteten for å gjera biletet mindre, men du bør sikra deg at det er kryssa av for «Førehandsvis i biletvindauget» slik at du kan ha eit auga med kvaliteten. Kvaliteten 10 gjev eit svært dårleg bilete som tek liten diskplass. Ein kvalitet sett til 75 gjev eit brukbart resultat med ein kraftig redusert filstorleik i høve til originalbiletet og vert raskare å lasta ned frå nettet. Kvaliteten er akseptabel for den tenkte bruken.

Her er det same biletet med ulike grader av komprimering: