8.23. Trekk ut komponent

8.23. Trekk ut komponent
	8. Menyen «Fargar»

8.23.1. Oversyn

Figur 16.172. «Trekk ut komponent» brukt

Det opphavlege biletet

Kommandoen «Trekk ut komponent» brukt med standard innstillingar.

Denne kommandoen let deg henta ut ein spesifikk fargekomponent frå det gjeldande laget. Dette vert representert som eit gråtonelag. Det liknar på Separer, men hentar ut berre éin komponent. Effekten vert utført berre på det gjeldande laget i staden for å oppretta eit nytt bilete.

8.23.2. Slå på kommandoen

Du har tilgang til menyvalet frå hovudmenyen via Fargar → Komponentar → Trekk ut komponent ….

8.23.3. Innstillingar

Figur 16.173. Innstillingane for kommandoen «Trekk ut komponent»

Forval: «Forval» er ein felles eigenskap for fleire fargekommandoar. Du finn nærare forklaring i Del 8.1.1, «Felles eigenskapar for fargar».
Komponent: Komponent som skal trekkjast ut. Standard er RGB Raud: alle lagpikslar som har den raude komponenten i fargen vert trekt ut for å laga grå pikslar. Grå pikselverdi er verdien til den raude kanalen (for eksempel vil ein 153;70;17 RGB-piksel gje ein 153;153;153 grå piksel).
Inverter komponent: Inventer alle pikslane frå den uttrekte komponenten.
Lineære utdata: Bruk lineære utdata i staden for gammakorrigerte.
Blandeinnstillingar, Førehandsvis, Flett samman filter, Delt vising: Dette er felles eigenskapar forklarte i Del 8.1.1, «Felles eigenskapar for fargar».