4. Dialogar relaterte til biletbehandling

4. Dialogar relaterte til biletbehandling
	Kapittel 14. Dialogvindauge

4.1. Bufferdialogen

Revisjonshistorie
Revisjon $Revision: 2551 $	2008-01-26	KoSt

Figur 14.57. Bufferdialogen

Bufferane er ei form for utklippstavle, og blir brukte som mellombels lager for biletdata som er laga ved å kopiere eller klippe ut deler av eller heile biletlag, masker eller andre teikneområde av biletet. Du kan lagra data til bufferen på to måtar, anten med Rediger → Bufferen → Kopier med namn eller med Rediger → Bufferen → Klipp ut med namn. Ved begge metodane kjem det opp eit dialogvindauge der du kan skrive inn eit namn på bufferen. Dei einaste grensene for kor mange slike bufferar du kan lagra, er kapasiteten til maskinen din.

Bufferdialogen viser alle dei namngitte bufferane du måtte ha i maskinen. Øvst i dialogen blir innhaldet i den “globale bufferen” vist, men du kan ikkje gjere noe med denne. Dei andre bufferane kan du derimot bruke etter behov. Du kan legge dei inn i biletet ditt, eller sletta dei.

	Obs
	Dei namngitte bufferane blir ikkje lagra til neste økt. Dersom du lukkar GIMP, forsvinn bufferane. Den einaste måten å bevara dei på, er å lagra dei i eit bilete.

4.1.1. Aktivering

Dette er ein dialog som kan limast inn i andre dialogvindauge. Sjå nærare om dette i Seksjon 2.3, “ Dialogar og samlevindauge ”. Du kan aktivere dialogen på fleire måtar:

frå menyen i verktøykassa: Fil → Dialogar → Buffer
frå biletmenyen: Dialogar → Buffer
frå ein annan dialogmeny: Legg til fane → Buffer

4.1.2. Å bruke dialogen

Dersom du klikkar på ein buffer i dialogvindauget, blir han den aktive bufferen, dvs. den som blir brukt ved kommandoane i buffermenyen. Dersom du dobbeltklikkar på ein buffer, vil han bli limt inn i det aktive biletet.

Nedst i dialogvindauget er det fire knappar. Desse gjer akkurat det same som buffermenyen som kjem fram dersom du høgreklikkar på den aktive menyen.

Figur 14.58. Bufferdialogen

Dialogen på tabellform

Dialogen på listeform

Frå fanemenyen kan du velje mellom to ulike visingsformer: Vis som tabell og Vis som liste. Sjå i Seksjon 2.3, “ Dialogar og samlevindauge ” korleis du kan tilpassa førehandsvisinga.

4.1.2.1. Knappane nedst i dialogvindauget

Nedst i dialogvindauget finn du fire knappar:

Lim inn buffer: Denne vil lime den aktive bufferen inn i det aktive biletet som eit flytande utval på same måte som når du bruker den vanlege Lim inn kommandoen.
Lim bufferen inn i utvalet: Denne vil lime den aktive bufferen inn i det aktive utvalet som eit flytande utval på same måte som når du bruker den vanlege Lim inn i kommandoen.
Lim bufferen inn som nytt bilete: Denne knappen opprettar eit nytt bilete med eitt biletlag og limer bufferen inn i dette biletet på same måten som når du bruker den vanlege Lim inn som ny kommandoen.
Slett bufferen: Denne knappen slettar den aktive bufferen utan varsling. Du kan likevel ikkje sletta den globale bufferen.

4.1.2.2. Buffermenyen

Figur 14.59. Lokalmenyen for dialogen “Buffer”

Lokalmenyen som kjem fram når du høgreklikkar på den aktive bufferen, inneheld dei same kommandoane som knappane.