3.9. Pennen (blekkverktøyet)

3.9. Pennen (blekkverktøyet)
	3. Teikneverktøya

Revisjonshistorie
Revisjon $Revision: 2562 $	2008-02-20	kost

Figur 13.63. Symbolet for “pennen” i verktøykassa

Dette verktøyet simulerer ein penn med utskiftelege splitter (“pennespissar”) som blir brukt for å skrive med blekk. Du kan bestemme breidda, forma og vinkelen på pennen etter kva slag avtrykk du ønskjer han skal gi.

3.9.1. Aktivering

Du kan hente fram dette verktøyet på fleire måtar:

frå biletmenyen via Verktøy → Teikneverktøya → Penn,
ved å klikke på symbolet i verktøykassa
eller med tastesnarvegen K.

3.9.2. Verktøyinnstillingar

Figur 13.64. Innstillingane for “pennen (blekkverktøyet)”

Du får fram verktøyinnstillingane ved å (dobbelt)klikka på verktøysymbolet i verktøykassa

Modus, dekkevne

	Notat
	Sjå felles innstillingar for teikneverktøya.

Justering

Storleik: Bestemmer breidda på pennesplitta på ein skala frå 0, smalast, til 20, breiast.
Vinkel: Bestemmer hellingsvinkelen til pennesplitta, frå -90º til +90º.

Følsemd

Breidde: Bestemmer relativ breidde på splitta i høve til tidlegare innstilling. Legg merke til at null (0) ikkje gir null pennebreidde, men den minst moglege.
Helling: Bestemmer hellinga på splitta. Denne kontrollen verkar saman med vinkelkontrollen nemnd ovanfor, du må difor kanskje eksperimentera litt med desse to for å finna fram til den innstillinga du ønskjer. Innstillinga går frå 0 (minst helling) til 1 (mest helling).
Fart: Bestemmer breidda på splitta som ein funksjon av teiknefarten. Dette simulerer ein verkeleg penn, der streken blir tynnare dess raskare du strekar.

Type og form

Type: Du kan her velje mellom dei tre hovudformene til pennesplitta: sirkel, firkant og rombe.
Form: Du kan i tillegg endra utsjånaden til pennesplitta ved å halde nede museknappen medan du har markøren i det vesle kvadratet i midten av figuren som viser forma. Du endrar forma ved å flytte musemarkøren rundt inne i figuren.