7.2. CIE lch-støy

7.2. CIE lch-støy
	7. Støyfilter

7.2.1. Oversyn

Figur 17.146. Eksempel på bruk av filteret «CIE lch-støy»

Originalbiletet

Filteret «CIE lch-støy» brukt

Filteret «CIE Ich-støy» legg inn støy i det gjeldande laget eller utvalet ved å bruka fargemodellane lysverdi, kroma og kulør ut frå spesifikasjonane gjeve av CIE («Compagnie Internationale de l'Éclairage»).

7.2.2. Slik slår du på filteret

Du finn dette filteret i hovudmenyen under Filter → Støy → CIE Ich-støy ….

7.2.3. Innstillingar

Figur 17.147. Innstillingane for filteret «CIE lch-støy»

Forval, «Inngangstype», Klipping, Blandeinnstillingar, Førehandsvising, Flett samman filter, Delt vising

	Notat
	Desse innstillingane er omtalte i Del 2, «Felles eigenskapar».

Sløving

Denne glidebrytaren (1 - 8) kontrollerer slumpen av støy: Ein høg verdi gjer slumpen mindre.

Lysverdi

Denne glidebrytaren endrar lysverdien på støyen.

Kroma

Denne glidebrytaren forandrar kroma på pikslane i eit tilfeldig mønster (prosent av kvitt med same lysverdi).

Kulør

Denne glidebrytaren forandrar fargen på pikslane i eit tilfeldig mønster. Brytaren vel ut eit aukande fargeområde på HSV-fargesirkelen med utgangspunkt i den opphavlege pikselfargen.

Tilfeldig frø, Nytt frø

Dette alternativet kontrollerer kor tilfeldig filteret skal vera. Du kan bruka feltet Tilfeldig frø for å leggja inn eit frø manuelt for slumpalgoritmen som vert brukt. Du kan også generera eit tilfeldig frø ved å trykkja på knappen Nytt frø. Viss det same tilfeldige frøet vert brukt i same situasjon, gjev filteret nøyaktig dei same resultata. Eit anna tilfeldig frø gjev andre resultat.