7.3. HSV-støy

7.3. HSV-støy
	7. Støyfilter

7.3.1. Oversyn

Figur 17.148. Eksempel på bruk av filteret «HSV-støy»

Originalbiletet

Etter bruk av filteret «HSV-støy»

Dette filteret legg inn støy i det gjeldande laget eller utvalet ut frå fargemodellen HSV.

7.3.2. Slik slår du på filteret

Du finn dette filteret i hovudmenyen under Filter → Støy → HSV-støy ….

7.3.3. Innstillingar

Figur 17.149. Innstillingane for filteret «HSV-støy»

Forval, «Inngangstype», Klipping, Blandeinnstillingar, Førehandsvising, Flett samman filter, Delt vising

	Notat
	Desse innstillingane er omtalte i Del 2, «Felles eigenskapar».

Sløving

Denne glidebrytaren (1 - 8) styrer kor mykje den nye pikselfargeverdien skal brukast samanlikna med den gjeldande fargen. Ein låg verdi vil føra til store fargeforandringar, medan ein høg verdi gjev mindre endringar.

Kulør

Denne glidebrytaren forandrar fargen på pikslane i eit tilfeldig mønster. Brytaren vel ut eit aukande fargeområde på HSV-fargesirkelen med utgangspunkt i den opphavlege pikselfargen.

Metning

Denne glidebrytaren aukar metninga på dei strødde pikslane.

Verdi

Denne glidebrytaren aukar lysverdien på dei strødde pikslane.

Tilfeldig frø, Nytt frø

Dette alternativet kontrollerer kor tilfeldig filteret skal vera. Du kan bruka feltet Tilfeldig frø for å leggja inn eit frø manuelt for slumpalgoritmen som vert brukt. Du kan også generera eit tilfeldig frø ved å trykkja på knappen Nytt frø. Viss det same tilfeldige frøet vert brukt i same situasjon, gjev filteret nøyaktig dei same resultata. Eit anna tilfeldig frø gjev andre resultat.