I eksempla nedanfor er det dette biletet som er brukt:

Meir kvitt (større verdi) ("More white (larger value)")

Pikslane vil spreia seg frå pikslar med høg lysverdi til pikslar med lågare lysverdi og såleis utvida dei lyse områda.

Figur 17.83. Meir kvitt

Dei lyse pikslane har spreidd seg til mørke pikslar i fire retningar: opp, ned, høgre og venstre. Filteret er køyrd fleire gonger for å forsterka effekten.

Meir svart (mindre verdi) ("More black (smaller value)")

Pikslane vil spreia seg frå pikslane med låg lysverdi til pikslane med høgare lysverdi og såleis utvida dei mørke områda.

Figur 17.84. Meir svart

Figur 17.85. Berre til botnen

Det same som ovanfor, men avmerkt berre for Til botnen.

Middelverdi til spissane ("Middle value to peaks")

På ei grense mellom dei valde tersklane vert gjennomsnittet av begge verdiane spreidde.

Figur 17.86. Middelverdi til spissane ("Middle value to peaks")

Det kan verta lagt inn ei tynn ramme i ein mellomfarge rundt objektet. Ramma er ikkje synleg rundt objekt med utjamna kantar.

Det grøne området er forstørra 800 gonger. Det er lagt til ei tynn (1 piksel tjukk) ramme. Verdien er gjennomsnittet mellom grå (90 %) og grøn (78 %): (90 + 78) / 2 = 84.

Farge til spissar ("Color to peaks")

Området mellom dei to grenseverdiane vert fylt med forgrunnsfargen som vert vist i verktøykassa.

Det vert opna ein fargeveljar med ein fargeplukkar.

Figur 17.87. Farge til spissar ("Color to peaks")

I dette eksemplet er den merkte farge raud. Ei tynn (1 piksel brei) ramme er lagt rundt objektet. Dersom det er brukt kantutjamning på objektet, vert denne ramma lagt i ytterkantane av utjamninga. Her er det ei anna ramme innføre. Dette fordi objektet er så lite at kantutjamninga på motsette sider overlappar kvarandre.

Berre farge ("Only color")

Berre område med vald farge vil spreia seg. Med dette alternativet vil mjuke og sløra kantar spreia seg dårleg.

Figur 17.88. Berre farge ("Only color")

I dette eksemplet er den valde farge den som er brukt på det grøne objektet. Etter å ha køyrd filteret fleire gonger, er det grøne området tydeleg forstørra.

Meir dekkevne ("More opaque"), Meir gjennomsikt ("More transparent")

Desse kommandoane verkar som «Meir kvitt» og «Meir svart». Gjennomsiktige område vil spreie seg over mindre gjennomsiktige område. Desse funksjonane verkar berre på bilete med alfakanal.

Figur 17.89. Meir dekkevne ("More opaque")

Originallaget med gjennomsiktig bakgrunn.

Etter å ha køyrd filteret fleire gonger er dei grøne, ugjennomsiktige områda forstørra.