Importpolicy

Konverter importerte biletet til desimaltalspresisjon

Når denne er slått på, vert presisjon for alle importerte bilete endra til32-bits desimalpresisjon.

Jamn ut bileta når du konverter dei til desimaltal

Når dei førre innstilingane er slått på, vil denne innstillinga gjera at du kan velja om utjamning skal brukast når eit bilete med lågare presisjon vert omforma til 32-bits desimalpresisjon.

Legg til ein alfakanal i importerte bilete

Når denne er slått på, vert det lagt til ein alfakanal automatisk til alle importerte bilete som ikkje har ein alfakanal. Dette kan vera nyttig viss du ofte har bruk for ein alfakanal når du arbeider med bileta.

Fargeprofil-policy

Når du opnar eit bilete med innebygd fargeprofil, kan du her velja kva som skal gjerast. Sjå Oppførsel ved opning av fila i fargehandsaming.

Roteringspolicy for metadata

Når du opnar eit bilete med metadata om rotering, kan du her velja kva som skal gjerast.

• Spør om kva som skal gjerast Dette er standard. Kvar gong du opnar eit bilete med metadata om rotering, kjem det opp eit dialogvindauge der du kan velja å rotera biletet eller ikkje i høve til metadataa.

• Forkast metadata utan å rotera Vel du denne, vert metadataa ignorerte når bilete vert opna.

• Roter biletet og så forkast metadataa Når du vel dette, vert biletet alltid rotert i høve til metadataa når det vert opna. Når dette er gjort, vert metadataa om rotering fjerna og erstatta med standardverdiar for rotering.

Eksport-policy

Notat

Den følgjande eksportpolicyen definerer standard-verdiane for å eksportera eit bilete. Dei fleste formata har dialogvindauge for eksport der du kan definera relevante innstillingar for kvart spesifikke format. Desse innstillingane vert hugsa mellom alle oppstartane. Ikkje alle biletformata har støtte for alle innstillingane nedanfor. Dei er berre relevante for dei formata som støttar innstillingane. Det er greit å være klar over implikasjonane av å inkludera visse metadata. Metadata kan innehalda sensitiv personleg informasjon som du kanskje vil sjå før du bestemmer deg for å inkludera dei eller ikkje. Eksempel er GPS-metadata som kan visa ei nøyaktig plassering, eller namn og adresse til skaparen av biletet.

Eksporter fargeprofilen for biletet som standard

Når denne er slått på, vert standarden for eksport av biletet å ta med fargeprofilen.

Eksporter merknadane i biletet som standard

Når denne er slått på, vert merknadane inkluderte som standard ved eksport av bilete.

Eksporter biletminiatyren som standard

Når denne er slått på, vert standarden for eksport av biletet å ta med miniatyren.

Eksporter Exif metadata som standard når dei er tilgjengelege

Når denne er slått på, vert Exif metadata inkluderte som standard ved eksport av bilete.

Eksporter XMP metadata som standard når dei er tilgjengelege

Når denne er slått på, vert XMP metadata inkluderte som standard ved eksport av bilete.

Eksporter IPTC metadata som standard når dei er tilgjengelege

Når denne er slått på, vert IPTC metadata inkluderte som standard ved eksport av bilete.

Eksportfiltype

Standard eksportfiltype

Denne innstillinga gjer at du kan velja kva filformat som skal vera standard ved eksport av bilete utan at du treng velja filutvidinga først.

Importeraren for raw-bilete

Programtillegg

Her vert det vist ei liste over kjende programtillegg som vert brukte for å opna og handsama RAW-filetformat. Dei vanlegaste som vert vistre er Darktable og RawTherapee. Viss ingen programtillegg er registrerte, vil GIMP visa ein plasshaldarverdi her.