5.3. Å endra penselbreidda

5.3. Å endra penselbreidda
	5. Penslar

Alle penslane har variabel storleik som du kan endra.

Du kan endra penselbreidda på fleire måtar:

Ved hjelp av glidebrytaren Storleik i verktøyinnstillingane. Verktøya blyant, målarpensel, viskeler, luftpensel, kloning, helbred, perspektivkloning, slør/skjerp og avskugging/etterbelysing har ein glidebrytar for å variera penselstorleiken.
Ved å bruka standard snarvegstastar for å endra biletstorleiken:
- Minsk storleiken med 1: [
- Auk storleiken med 1: ]
- Minsk storleiken med 10: {
- Auk storleiken med 10: }
Ved å bruka standard musehjulhandling for å endra verktøystorleiken:
- Minska storleiken med 1: Ctrl+Alt+Rullehjul ned
- Auka storleiken med 1: Ctrl+Alt+Rullehjul opp
Ved å setja opp oppførsla til musehjulet i Innstillingar for inndatakontrollelement:
1. Klikk på Rediger → Brukarinnstillingar i hovudmenyen.
2. I den venstre kolonnen i vindauget som kjem fram klikkar du på Inndataeiningar → Inndatakontrollar.
3. Innstillingane Ekstra inndatakontrollar vert viste i to kolonnar: Tilgjengelege kontrollar og Gjeldande kontrollar.
  
  Dobbeltklikk på Main Mouse Wheel i Gjeldande kontrollar.
4. Dialogvindauget for Set opp inndatakontrollelementaStrek opp bane vert opna.
  
  I den venstre kolonnen Hendingar vel du Rull opp.
5. Klikk på knappen Rediger hending nedst i midten av lista.
6. Dialogvindauget for Vel hendingshandling for kontrollelementet vert opna.
  
  Utvid elementet verktøy i Handlingr.
7. I den venstre kolonnen Handling, vel Auk verktøystorleiken relativt og klikk deretter på knappen OK.
8. No er handlinga Rull opp assosiert med handlinga verktøystorleik-auk-i-prosent.
9. Lukk vindauget.
10. Bruk den same framgangsmåten for å programmera Rull ned med Verktøystorleik: minsk relativt.
11. Trykk OK-knappen i hovudvindauget for brukarinnstillingane.
Har du følgd denne noko lange forklaringa, kan du no bruka musehjulet for å variera penselbreidda. Vel for eksempel penselverktøyet med rund pensel. Set peikaren i biletvindauget og rull musehjulet opp og ned for å sjå den runde penselen auka eller minska.
Ved å setja oppførsla til pilene Opp og Ned på tastaturet:

Måten du gjer det på er nokså lik den me brukte på musehjulet. Dei einaste skilnadane er:
- Dobbeltklikk på Tastaturet i kolonnen ×Gjeldande kontrollelement.
- I kolonnen Hendingar redigerer du markør opp for den første tasten og markør ned for den andre.
- No kan du bruka piltastane Pil opp og Pil ned på tastaturet. Resultatet vert det same som når du rullar musehjulet.