Først den raske mellombels måten. Merk det området av biletet du vil laga pensel av ved å markera det med rektangel- eller ellipse-verktøyet. Kopier dette utvalet. Du skal no kunna finna denne kopien i øvre, venstre hjørne i penseldialogvindauget under namnet «Utklippstavle». Denne kopien kan du no bruka som pensel.

Denne penselen er mellombels: han forsvinn når du lukkar GIMP. Du kan gjera han permanent ved å klikka på Dupliser denne penselen nedst i penselpanelet.

Figur 7.20. Utvalet vert ein pensel når du kopierer det

Den andre måten er litt vanskelegare.

Vel Fil → Ny… i hovudmenyen.

Set Breidd og Høgd til for eksempel 30 pikslar.

I Avanserte innstillingar, set du for eksempel Fargerom til Gråtone og Fyll med til Kvite.

Forstørr visinga av biletet og bruk ein svart blyant for å laga ei teikning på biletet.

Vel Fil → Eksporter som… i hovudmenyen.

Eksporter biletet med filutvidinga .gbr i mappa brushes i den private penselmappa for GIMP. Kva denne er plassert er avhengig av kva OS du brukar:

Trykk på knappen oppdater penslane i dialogvindauget penslar .

Penselen din dukkar straks opp saman med dei andre penslane. Du treng ikkje starta GIMP på nytt for å bruka han.

Figur 7.21. Stega for å laga ein pensel

Teikna biletet og lagra det som pensel

Oppdater penslane

Bruk penselen