5.12. Sfæriser

5.12.1. Oversyn

Figur 17.84. Eksempel på bruk av filteret «Sfæriser» med standardverdiar

Originalbiletet

Filteret brukt

Dette filteret lagar ei form for boble med same storleik som biletet eller utvalet, som om innhaldet vert pakka rundt ei kule.

5.12.2. Slik slår du på filteret

Du har tilgang til dette filteret frå hovudmenyen via Filter → Forvrengingar → Sfæriser ….

5.12.3. Innstillingar

Figur 17.85. Innstillingane for filteret «Sfæriser»

Forval, «Inngangstype», Klipping, Blandeinnstillingar, Førehandsvising, Flett samman filter, Delt vising

	Notat
	Desse innstillingane er omtalte i Del 2, «Felles eigenskapar».

Modus

Radiell: Legg biletet på ei kule rundt sentrume. Dette er standard. Sjå eksempelet ovanfor.
Vassrett: Strekkar biletet vassrett rundt ei imaginær kule.
Loddrett: Strekkar biletet loddrett rundt ei imaginær kule.

Visingsvinkel ("Angle of view")

Kameravinkel (0 - 180°)

Kurvatur

Vinkelen på kulekalotten som ein brøkdel av samvinkelen (komplementeringsvinkelen) av visinga. Resultatet vert mindre kuppelforma sidan krumminga minskar frå 1 til 0.

Mengde ("Amount")

Interessant for negative verdiar som resulterer i ei innholing i staden for ei utbuling (frå 1,000 til -1,000).

Metode for å ta prøver på nytt ("Resampling Method")

Interpoleringsmetodane er forklarte i Interpolering.

5.12.4. Bruka filteret «Sfæriser»

Teiknar du eit utval før du tek i bruk filteret, kan du oppretta ei ny form, som for eksempel ei kule:: vel ellipseverktøyet med Fast avmerkt. Teikna ein sirkel. Bruk filteret «Sfæriser» med Bruk utvalet som inngang avmerkt. Inverter utvalet og fyll det med den ønskte bakgrunnen.