Her bestemmer du kor store «gnaga» skal vere. Talet her har ingenting med storleiken på pikslane å gjere, men blir brukt av filteret sprei som ei maksimumsgrense for den tilfeldige spreiinga. Gyldig område er frå 0 til 200.

Figur 17.391. Eksempel på bruk av filteret med ulike sponmengder

0

30

60

90

Talet blir brukt i filteret gaussisk sløring som sløringsradius og vil sløre mønsterkartet meir eller mindre.

Dersom dette valet er aktivisert, vil avbildingskartet bli invertert, slik at det nå lager holer i staden for humpar. Dette vil gjere at biletet meir vil sjå ut som det er uthola i staden for opphøgd.

Figur 17.392. Eksempel på bruk av inverteringa

Invertert (utan slagskygge)

Med dette valet aktivisert vil det bli lagt til ein slagskygge i eit nytt lag under det gjeldande laget.

Normalt vil strukturkartet som blir brukt for å lage humpane bli fjerna etter bruk. Kryssar du av her, vil laget bli verande i biletet med visinga sett til ikkje synleg.

Gjer at bakgrunnslaget som filteret opprettar blir fylt med det spesifiserte mønsterelementet. Elles blir laget fylt med kvitt.

Dette valet er normalt aktivisert, og gjer at det bakgrunnslaget som filteret opprettar ikkje forsvinn når filteret er ferdig med det. Du kan eventuelt fjerna dette laget seinare, eller slå av og på visinga av det, frå lagdialogen.

Dette valet inneheld først ei førehandsvising av gjeldande mønsterelement. Klikkar du på førehandsvisinga og held knappen nede, vil du sjå ei forstørra utgåve av mønsterelementet. Her finn du også knappen Bla gjennom som opnar for samlinga av mønsterelement som du kan velje frå.

Du kan bruke alle mønsterelementa i GIMP men kanskje ikkje alltid med like godt resultat. Utgjevaren av filteret har vald «Burlwood» som førehandsinnstilling og føreslår i tillegg mønsterelementa «Dried mud», «3D Green» og «Slate»:

Figur 17.393. Eksempel med ulike mønsterelement

Dried mud

3D grøn

Slate