Halvutflatingsfilteret vert brukt for å laga kantutjamning mot ein fast bakgrunnsfarge på indekserte bilete med gjennomsikt. GIF-formatet kan berre ha fullstendig gjennomsiktige eller fullstendig ugjennomsiktige pikslar (verdi 0 eller 255). Delvis gjennomsiktige pikslar vert i GIF anten sett til full gjennomsikt eller heilt ugjennomsiktige. Dette kan øydelegge dei nydelege overgangane du har laga i logoen du hadde tenkt å bruka på nettsidene dine.

Før du brukar dette filteret, må du setja bakgrunnsfargen nøyaktig til den bakgrunnsfargen du har på nettsida. Bruk eventuelt fargeplukkaren og legg bakgrunnsfargen som forgrunnsfarge i verktøykassa. Inverter deretter FG og BG i verktøykassa slik at bakgrunnsfargen her er den same som du har på nettsidene.

Halvutflatingsprosessen kombinerer forgrunnsfargane i biletet med bakgrunnsfargen til ein best mogleg fargeovergang mot bakgrunnsfargen ved at fullstendig gjennomsiktige pikslar tar ingen farge, svært gjennomsiktige pikslar vert litt farga og lite gjennomsiktige pikslar vert mykje farga.

Du har tilgang til filteret frå hovudmenyen via Filter → Nettsider → Halvutflating …. Dette filteret er berre tilgjengeleg for bilete med alfakanal ( sjå Del 7.36, «Legg til alfakanal») elles er det slått av.

I eksemplet nedanfor er bakgrunnen i verktøykassa sett til rosa. Biletet har mjuke kantar som går mot ein gjennomsiktig bakgrunn.

Full gjennomsikt er uforandra. Delvis gjennomsiktige pikslar er farga meir eller mindre rosa i høve til gjennomsikta (alfaverdien). Dette biletet flettar seg fint inn i den rosa bakgrunnen på den nye sida.