16.5. Spel av

16.5. Spel av
	16. Animasjonsfiltra

16.5.1. Oversyn

Dette programtillegget vert brukt for å spela av ein animasjon frå eit bilete med fleire lag. Dette kan lagrast i GIF-, MNG- eller endåtil i XCF-format.

16.5.2. Slik slår du på filteret

Du har tilgang til dette filteret frå hovudmenyen via Filter → Animasjon → Spel av animasjonen ….

16.5.3. Innstillingar

Figur 17.422. Innstillingane for filteret «Spel av animasjonen»

Dette dialogvindauget inneheld :

Førehandsvising

Førehandsvisinga tilpassar seg automatisk etter rammestorleiken i biletet. Nummeret til den viste ramma vert vist i ruta under førehandsvisinga.

Knappane

Dei følgjande knappane er tilgjengelege over førehandsvisinga:

Start/stopp avspelinga: Dette spelar av eller stoppar animasjonen.
Gå bakover til førre ramma: Dette spelar av animasjonen baklengs steg for steg.
Gå til neste ramme: Dette spelar av animasjonen steg for steg.
Tilbakespol animasjonen: Dette spolar animasjonen tilbake til byrjinga.
Kopla animasjonen frå dialogvindauget: Dette koplar animasjonen frå dialogvindauget.
Last inn biletet på nytt: Dette lastar inn animasjonen igjen. Nyttig viss det er gjort endringar.

Nedtrekksliste

Desse nedtrekkslistene er tilgjengelege under førehandsvisinga:

Kombiner/byt ut lag: Dette kan vera Kumulative lag (kombiner) for å visa alle rammer så langt oppå kvarandre, eller Ei ramme per lag (byt ut) for å visa berre den siste ramma.
Fart på avpelinga: Her kan du setja kor fort animasjonen skal visast.
Standard rammefart: Dette let deg setja kor mange rammer som skal visast per sekund når du spelar av animasjonen.
Forstørr: Dette gjev deg høve til å setja kor mykje animasjonen skal forstørrast eller forminskast.