Dette vindauget viser eit samla oversyn over dei gjeldande innstillingane i verktøykassen for kvar av inn-einingane du har kopla til maskinen. Dette kan vera datamusa, som i vindauget er kalla «Core pointer», eller anna utstyr du måtte ha tilgjengeleg. Verktøyinnstillingane er representerte med vanlege symbol for forgrunns- og bakgrunnsfarge, pensel, mønsterelement og fargeovergang. Utanom for fargane, vil eit klikk på symbola opna eit vindauge der du kan forandra innstillingane. Verktøykassen vert oppdatert for å visa forandringa. Du kan dra og sleppa einingar i dette dialogvindauget.

Knappen Lagra status for utstyret nedst i dialogvindauget gjer det same som knappen Lagra status for utstyret no i Inndataeiningar i brukarinnstillingane.