2.3. Lagra gjennomsiktige bilete

2.3. Lagra gjennomsiktige bilete
	2. Å tilpassa bilete for Internett

Gjennomsikt i bilete kan lagrast på to måtar: enkel binær gjennomsikt og alfa-gjennomsikt. Den første forma vert brukt i GIF-formatet. Her kan du velja ein av fargane i det indekserte fargekartet til å vera gjennomsiktig. I PNG-formatet vert informasjonen om gjennomsikt lagra i ein eigen alfakanal.

	Notat
	PNG-formatet støtter stort sett dei same eigenskapane som GIF-formatet. I tillegg har PNG støtte for alfakanalar. GIF vert difor i dag sort sett berre brukt til animasjonar.

Prosedyre 6.1. Å laga eit bilete med gjennomsiktige område (alfa-gjennomsikt)

Me brukar GIMP sin maskot, Wilber, som eksempel.

Figur 6.3. Biletet av Wilber opna i RGBA-modus
For å kunna eksportera eit bilete med alfa-gjennomsikt, må biletet ha ein alfakanal. Dette kan du kontrollera ved å gå inn i kanaldialogvindauget og sjå at det i tillegg til «raud», «grøn» og «blå» også er sett opp «alfa». Dersom det manglar alfa, må du leggja til alfakanal frå lagmenyen via Lag+Gjennomsikt → Legg til alfakanal.
Den opphavlege XCF-fila inneheld bakgrunnslag som kan fjernast. GIMP har mange standardfilter som brukar fargeovergangar. Sjå under Filter+Lys og skugge. For å visa kva alfa-gjennomsikt kan gjera, har me vald å laga ein mjuk glød i bakgrunnen rundt Wilber, men du har sikkert fantasi nok til å prøva ut mange andre.
Når du er ferdig med biletet, kan du eksportera det i PNG-format.

Figur 6.4. Wilber med gjennomsikt

Dei grå firkantane i bakgrunnslaget viser det gjennomsiktige området i det eksporterte biletet når arbeider på det i GIMP.


2.2. Å krympe filene litt ekstra		Kapittel 7. Teikne med GIMP