Figur 17.160. Eksempel på bruk av filteret «DoG kantfinning»

Det opphavlege biletet

Filteret «DoG kantfinning» brukt med radius 1 = 1,000 og radius 2 = 0,100.

Dette filteret finn kantane ved å bruka algoritmen som er kalla «Gaussiske skilnadar» som verkar ved å utføra to Gaussiske sløringar på biletet med ulik sløringsradius og deretter trekkja dei frå kvarandre for å få resultatet. Algoritmane bak dette filteret vert mykje brukt innan forsking på kunstig syn, og kanskje også for biologisk syn i og med at dei arbeidar svært raskt men likevel sikkert. Dei viktigaste innstillingane er sløringsradius for dei to køyringane. Desse er det lettast å setja ved å sjå på førehandsvisinga. Eit lite tips på vegen likevel: auke i den minste radiusen vil som oftast gje tjukkare kant, medan redusering av den største radiusen har ein tendens til å auka terskelen for at noko skal verta oppfatta som ein kant. Som oftast vil du få det beste resultatet når radius 2 er mindre enn radius 1, men ingenting hindrar deg i å gjere det omvendt. Dette kan til og med gje eit betre resultat når du har lyse figurar på mørk bakgrunn.

Du finn dette filteret i hovudmenyen under Filter → Finn kantar → DoG kantfinning ….