6.9. Lang skugge

6.9. Lang skugge
	6. Lys- og skuggefiltra

6.9.1. Oversyn

Dette GEGL-baserte filteret gjer det enklare å laga lange skuggar i fleire visuelle stilar.

6.9.2. Slik slår du på filteret

Du har tilgang til dette filteret frå hovudmenyen via Filter → Lys og skugge → Lang skugge ….

Det er tilgjengeleg viss det valde laget inneheld ein alfakanal (sjå Del 7.36, «Legg til alfakanal»). Elles er det slått av.

6.9.3. Innstillingar

Figur 17.129. Innstillingane for filteret «Lang skugge»

Forval, «Inngangstype», Klipping, Blandeinnstillingar, Førehandsvising, Flett samman filter, Delt vising

	Notat
	Desse innstillingane er omtalte i Del 2, «Felles eigenskapar».

Stil

Den opphavlege fila og tekstlaget i ho. Tekstlaget vart oppretta med «Laget til biletstorleik» i menyen «Lag».

Endeleg er standardstilen. Andre tilgjengelege stilar er Uendeleg, Uttoning og Uttoning (fast lengd).

Figur 17.130. Eksempel på innstillingar for «Stil»

Endeleg (standard)

Uendeleg

Uttoning

Uttoning (fast lengd): Lengd = 30

Vinkel

Skuggevinkel i grader.

Vinkel = 110°

Lengd

Skuggelengd i pikslar. Berre tilgjengeleg når Stil er sett til Endeleg eller Uttoning (fast lengd).

Lengd = 30

Midtpunkt

Uttoningsmidtpunkt for skuggen. Berre tilgjengeleg når Stil er sett til Uttoning eller Uttoning (fast lengd).

Farge

Du kan velgja fargen på skuggen her. Berre klikk på fargeprøven og vel ein farge når fargeveljaren dukkar opp, eller bruk pipetta for å velja ein farge frå biletet.

Komposisjon

«Utgangskomposisjon» styrer korleis utgangen av dette filteret skal vera. Det er tre val:

Skugge pluss biletet vil visa både biletet og den nye skuggen. Dette er normalen.
Berre skugge vil visa berre skuggen.
Skugge minus biletet vil visa skuggen, men dreg i frå området gøymt av biletet.

Figur 17.131. Eksempel på bruk av «Komposisjon»

Berre skugge

Skugge minus bilete