4.5. Flytande

4.5. Flytande
	4. Menyen «Utval»

Undermenyen Flytande inneheld kommandoar for å omforma eit utval til eit «flytande utval».

Eit flytande utval (også kalla eit «flytande lag») er ei form for førebels lag med dei same funksjonane som eit normalt lag bortsett frå at du ikkje kan arbeida på andre lag så lenge det finst eit flytande lag i biletet. Det flytande laget må forankrast først. Dette betyr at det flytande laget må leggast til eit normalt lag, som oftast det laget som var gjeldande då det flytande utvalet vart oppretta eller laga det om til eit nyt lag.

	Viktig
	Du kan ikkje arbeide på andre lag så lenge biletet inneheld eit flytande utval!

Du kan bruka dei fleste lagoperasjonane på eit flytande utval, men du kan berre ha eitt flytande utval i biletet.

	Tips
	Dersom du har slått på Vis laggrenser i Vis-menyen, kan det vera vanskeleg å velja ut nøyaktig det området du ønskjer. Ein måte å omgå dette på, er å laga eit rektangulær utval rundt det ønskte området og omforma dette til eit nytt lag og deretter fjerna det opphavlege laget.

4.5.1. Slik slår du på undermenyen

Du har tilgang til denne undermenyen frå hovudmenyen via Utval → Flytande.

4.5.2. Innhaldet i undermenyen «Flytande»

Kommandoen i undermenyen «Flytande» er forklarte nedanfor.

Klipp ut og gjer flytande

Kommandoen Klipp ut og gjer flytande klipper ut eit biletutval frå laget og omformar det til eit flytande utval.

Slå på kommandoen

Du får tilgang til denne kommandoen frå hovudmenyen via Utval → Flytande.
Med snarvegen Shift+Ctrl+L.

Kopier og gjer flytande

Kommandoen «Kopier og gjer flytande» kopierer utvalet frå biletlaget og omformar det til eit flytande utval.

Slå på kommandoen

Du får tilgang til denne kommandoen frå hovudmenyen via Utval → Flytande → Kopier og gjer flytande.

4.5.3. Å opprette eit flytande utval automatisk

Ein del biletoperasjonar oppretter eit flytande utval automatisk:

Operasjonane «lim inn» Lim inn bufferen, Lim inn buffer på plass, Lim bufferen inn i utvalet, Lim den valde bufferen inn i utvalet på plass, Lim inn som flytande data eller Lim inn som flytande data på plass eller Lim inn som flytande data på plass eller Lim inn som flytande data inn i utvalet på plass lagar også flytande utval.
I tillegg, alle transformasjonsverktøya: Sameint transformering, Roter, Skaler, Forskyv, Spegelvend, Perspektiv, 3D-transformering og Handtaks-transformering opprettar flytande utval når dei arbeidar på eit utval i staden for på eit lag. Når modus Påverknadsmodus er sett til Transformeringslag og det finst eit utval frå før, vil desse transformasjonsverktøya verka på utvalet og oppretta eit flytande utval. Dersom det ikkje finst noko utval frå før, verkar verktøya på det gjeldande laget utan å opprette noko flytande utval. Er modus Påverknad sett til utval vert det heller ikkje oppretta eit flytande utval.
Dersom du klikkar og drar eit utval og samstundes held tastekombinasjonen Ctrl+Alt eller Shift+Altnede (sjå Del 2.1, «Å flytta eller endra storleik på eit utval») vil du også automatisk få eit flytande utval.

4.5.4. Å forankra eit flytande utval

Du kan forankra eit flytande utval på fleire måtar:

Du kan forankra det flytande utvalet til det laget som var gjeldande då utvalet vart oppretta ved å klikka kvar som helst i biletet utanom det flytande utvalet. Dette vil fletta utvalet saman med det gjeldande laget.
Bruk kommandoen Forankra laget (Ctrl+H).
Ved å klikka på forankringsknappen i i Lagdialogvindauget som kjem opp når det flytande utvalet vert laga, i staden for det vanlege ikonet for å fletta lag..
Bruk kommandoen Til nytt lag ( Shift+Ctrl+N) for å omforma det flytande utvalet til eit nytt lag.