5.29. Eksporter bilete som Microsoft Window-ikon

5.29.1. Oversyn

Figur 15.77. Dialogvindauget for Microsoft Windows ikon-eksport

Dialogvindauget for Microsoft Windows ikon-eksport

Formatet Microsoft Windows Icon vert brukt i Windows for å visa ikon. Det har støtte for mange ikonstorleikar og fargedjupnar.

Eit relatert format er Microsoft Windows Cursor. Eksportvindauget viser alle ikona som er tilgjengelege. For kvar ikonstorleik er det mange innstillingar som kan endrast.

5.29.2. Innstillingar

Lagra type

Du kan for kvar ikonstorleik velja kva format det skal lagrast som. Du har valet mellom:

1 bpp, 1-bit alfa, 2-slot palett

Indeksert format med berre to fargar.

4 bpp, 1-bit alfa, 16-slot palett

Indeksert format med berre 16 fargar.

8 bpp, 1-bit alfa, 256-slot palett

Indeksert format med opp til 256 fargar.

24 bpp, 1-bit alfa, ingen palett

For RGB utan alfakanal.

32 bpp, 8-bit alfa, ingen palett

Det mest vanlege er RGB med alfakanal.

Komprimert (PNG)

Når denne er merkt, vert ikonet lagra som komprimert PNG-bilete. Merk at ikkje alle program kan lesa denne ikontypen.