Medan fargeplukkaren kan visa fargeinformasjon om ein piksel, kan dialogvindauget for «prøvepunkta» visa informasjon om opp til fire ulike pikslar i det aktive laget samstundes. Ein annan viktig skilnad er at desse punkta vert endra i sanntid når du arbeider på biletet.
Dette er ein dialog som kan limast inn i andre dialogvindauge. Sjå nærare om dette i Del 2.3, «Dialogar og samlevindauge («dokker»)».
Du har tilgang til det:
frå hovudmenyen via
→ → .frå fanemenyen i eit anna dialogvindauge som kan limast inn ved å klikka på fanen og velja → .
Du får fram prøvepunkta ved å Ctrl-klikka på ein av dei to linjalane i biletvindauget og dra musepeikaren inn i biletet. Det vil då koma fram to hjelpelinjer som står vinkelrett på kvarandre med prøvepunktet i kryssingspunktet. Koordinata for punktet vert viste nede i venstre hjørne og i meldingsområdet for biletvindauget. Slepp museknappen før du slepp Ctrl-knappen.
Normalt vil prøvepunktet vera markert med ein liten sirkel og eit tal som viser kva nummer punktet har. Du kan slå denne visinga av ved å klikka på Vis prøvepunkt i menyen Vis.
I prinsippet skal dialogvindauget «Prøvepunkt» opna seg automatisk når du opprettar eit prøvepunkt. Dersom dette ikkje er tilfelle, må du opna det manuelt som vist ovanfor.
Flytta eller sletta eit prøvepunkt:
Du kan ganske enkelt klikka og dra prøvepunktet opp til ein linjal med pipetta for å sletta det.
Bruk av eit teikneverktøy, Ctrl +klikk og dra prøvepunktet opp til ein linjal for å sletta det.
Normalt vert prøvetakinga utført på alle laga. Dersom du i staden ønskjer å berre henta farge frå det aktive laget, fjernar du merket for Flett synlege i fanemenyen:
Dette vindauget viser informasjon om opp til fire prøvepunkt samstundes. Du kan oppretta fleir enn fire punkt, men desse vert ikkje viste i dialogvindauget før du eventuelt slettar nokre av dei viste punkta.
Fargen for prøvepunktet vert vist i ei rute.
I nedtrekkslista kan du velje mellom:
Dette valet viser verdiane for raud, grøn, blå og alfa som tal frå 0 til 255.
Dette valet viser verdiane for raud, grøn, blå og alfa i prosent. Det viser også pikselfargen i hexadesimal (HTML) notasjon.
Dette valet viser kulør, metning, lysverdi og alfa i prosent.
Dette valet viser verdiane for cyanblå, magentaraud, gul, svart og alfa i prosent.
Data vert viste for kvar kanal i den valde fargemodellen. Alfakanalen er synleg berre dersom biletet har alfakanal.
Hexa er berre tilgjengeleg i RGB-modus. Dette er den heksadesimale skrivemåten brukt i HTML-notasjon.