7.5. Fargeplukk

7.5. Fargeplukk
	7. Støyfilter

7.5.1. Oversyn

Figur 17.152. Eksempel på bruk av filteret

Originalbiletet

Eksempel på bruk av filteret «Fargeplukk»

Filteret «Fargplukk» bytar ut kvar påverka piksel med ein annan piksel tilfeldig vald frå dei åtte nabopikslane og seg sjølv (frå ei 3 × 3 rute med den aktuelle pikselen i sentrum). Alle, eller berre ein del av pikslane i det aktive laget eller det aktive utvalet vert påverka av filteret, avhengig av innstillinga på glidebrytaren Slumpmengd (%).

7.5.2. Aktivering av filteret

Du finn dette filteret i hovudmenyen under Filter → Støy → Fargeplukk….

7.5.3. Innstillingar

Figur 17.153. Innstillingane for filteret «Fargeplukk»

Forval, «inngangstype», klipping, blandingsinnstillingar, førehandsvising, delt vising

	Notat
	Desse innstillingane er omtalte i Del 2, «Felles eigenskapar».

Slumpmengde (%)

Glidebrytaren Slumpmengde bestemmer kor mange prosent av pikslane i det aktive laget eller det aktive utvalet som skal verta påverka av filteret. Dess høgare verdi, dess fleire pikslar verta forandra.

Gjenta

Glidebrytaren Gjenta bestemmer kor mange gonger filteret skal gjenta prosessen.

Tilfeldig frø

Bestemmer kor tilfeldig fargplukkinga skal skje. Brukar du det same startfrøet som sist, og ingenting anna er endra, vil filteret gje ut nøyaktig det same resultatet. Legg du inn ein ny verdi for slumpfrøet, vert også resultatet eit anna. Du kan skriva inn verdiar for slumpfrøet for hand, eller du kan velja ein tilfeldig startverdi ved å trykkja på knappen Nytt frø.