4.9. 3D-transformering

4.9. 3D-transformering
	4. Transformeringsverktøya

3D Transform-verktøyet let deg endra perspektivet til eit lag og flytta det i 3D-rommet. Du kan setja eit forsvinningspunkt og deretter rotera laget langs X-, Y- og Z-aksane.

Du har her det vanlege dialogvindauget med innstillingar i verktøykassa og på-lerretet-innstillingane.

4.9.1. Slik slår du på verktøyet

Du kan slå på verktøyet på mange måtar:

Frå hovudmenyen via Verktøy → Transformasjonsverktøya → 3D-transformering.
Ved å klikka på verktøysymbolet i verktøykassa.
Med tastatursnarvegen Shift + W.

4.9.2. Innstillingar

Figur 14.110. Innstillingar for «3D-transformering»

Du kan få opp verktøyinnstillingane ved å dobbeltklikka på verktøysymbolet i verktøykassa:

Transformer, Retning, Interpolering, Klipping, Vis førehandsvising av biletet, Hjelpelinjer

	Notat
	Sjå felles innstillingar for transformeringsverktøya.

Sameint transformering

Med dette valet kan du endra forsvinningspunktet og også panorera og rotera utan å byta mellom fanene i dialogvindauget for på-lerretet-innstillingane.

Avgrensingsakse (Shift)

Når du held nede Shift vert den gjeldande transformeringsaksen fest i førehandsvisinga.

Z-akse (Ctrl)

Når du trykkjer Ctrl, vert transformeringa gjort rundt Z-aksen.

Lokal ramme (Alt)

Dette valet gjer at du kan kontrollera transformeringa av den lokale ramma i det gjeldande laget i staden for i alle laga.