12.10. Skjer frå sjablong

12.10. Skjer frå sjablong
	12. Dekorfiltra

12.10.1. Oversyn

Figur 17.270. Eksempel på bruk av filteret

Originalbiletet

«Skjer frå sjablong» brukt

Dette filteret arbeider med to bilete, kjeldebiletet og målbiletet. Kjeldebiletet må ha berre eitt lag, vera i gråskala og utan alfakanal. Dette biletet vert brukt som utvalsmaske og vert brukt som mønster for utskjeringseffekten. Biletet som det skal skjerast ut i, målbiletet, må ha eitt enkelt biletlag i RGB-format eller gråskala. Dette biletet må ha nøyaktig same format som sjablongbiletet.

12.10.2. Slik slår du på filteret

Du har tilgang til filteret frå hovudmenyen via Filter → Dekor → Skjer frå sjablong….

	Tips
	Dersom kommandoen er gråa ut sjølv om biletet er i gråskala, kan det vera fordi biletet har alfakanal. Fjern denne.

12.10.3. Innstillingar

Figur 17.271. Innstillingane for filteret «Skjer frå sjablong»

Masker teikneområdet

Her kan du velja målbiletet og laget eller kanalen som utskjeringa skal gjerast på.

Skjer ut kvite område

Denne innstillinga er normalt slått på og gjer at sjablongen verkar slik som nemnd ovanfor. Dersom denne ikkje er slått på, vil filteret bruka det inverterte biletet som mønster. Altså:

Figur 17.272. Gravørmasker

Normal maske

Invertert maske

I eksempelet nedanfor er kjelda eit bilete i gråskala medan målet er eit bilete med tremønster.

Til venstre: Det er kryssa av for Skjer ut kvite område. Pikslane i målbiletet som svarar til kvite pikslar i mønsteret (rundt teksten) er utskore. Resultatet er tekst i relieff.

Til høgre: Det er ikkje kryssa av for Skjer ut kvite område. Pikslane i målbiletet som svarar til svarte pikslar i mønsteret (rundt teksten) er utskore. Resultatet er ein uthola tekst.

Figur 17.273. Eksempel på «skjer kvite område»

Kvite område utskorne

Sjablong

Svarte område utskorne

Du kan finne meir informasjon om dei ulike laga dette filteret bruker i [GROKKING].