7.7. Nedsmelting

7.7. Nedsmelting
	7. Støyfilter

7.7.1. Oversyn

Figur 17.156. Eksempel på bruk av filteret

Originalbiletet

Eksempel på bruk av filteret «nedsmelting»

Dersom ein piksel skal «smeltast», er det 80 % sjanse for at han vert bytt ut med pikselen direkte ovanfor. Elles vert ein av pikslane på kvar side brukt i staden. Alle, eller berre ein del av pikslane i det aktive laget eller det aktive utvalet vert påverka av filteret, avhengig av innstillinga på glidebrytaren Slumpmengde (%).

7.7.2. Aktivering av filteret

Du finn dette filteret i hovudmenyen under Filter → Støy → Nedsmelting….

7.7.3. Innstillingar

Figur 17.157. Innstillingane for filteret «nedsmelting»

Forval, «inngangstype», klipping, blandingsinnstillingar, førehandsvising, delt vising

	Notat
	Desse innstillingane er omtalte i Del 2, «Felles eigenskapar».

Slumpmengde (%)

Glidebrytaren bestemmer kor mange prosent av pikslane i det aktive laget eller det aktive utvalet som skal verta påverka av filteret. Dess høgare verdi, dess fleire pikslar verta forandra, men på grunn av måten filteret arbeider, vert effekten mest merkbar når glidebrytaren er i mellomområdet rundt 50 %. Eksperimenter med dette sjølv..

Gjenta

Glidebrytaren Gjenta bestemmer kor mange gonger filteret skal gjenta prosessen.

Tilfeldig frø

Kontrollerer kor tilfeldig nedsmeltinga skal vera. Viss det same tilfeldige frøet vert brukt om igjen i den same situasjonen, vert resultatet også nøyaktig det same. Eit anna tilfeldig frø vil gje eit anna resultat. Du kan skriva inn startverdiane for hand, eller du kan velja ein tilfeldig startverdi med knappen Nytt frø.