2.7. Dialogvindauget for angreloggen

2.7. Dialogvindauget for angreloggen
	2. Dialogvindauge relaterte til biletstruktur

Figur 15.16. Dialogvindauget for angreloggen

Dette dialogvindauget viser ei liste over kva du har halde på med i det siste, i det minste på det gjeldande biletet. Dei forandringane du har gjort vert forsøkt viste med ein miniatyr. Du kan tilbakeføra biletet til eit kvart av punkta på lista berre ved å klikka på den ønskte visinga i dialogvindauget. Vil du vita meir om dette, kan du klikka deg inn på sida om å angra.

2.7.1. Slå på dette dialogvindauget

Dette er eit dokkpanel som kan limast inn i andre dokkpanel. Sjå nærare om dette i Del 2.3, «Dialogvindauge og dokkpanel».

Du har tilgang til det:

frå hovudmenyen via Vindauge → Dokkpanel → Angrelogg.
frå fanemenyen i eit anna dokkpanel som kan limast inn ved å klikka på fana og velja Legg til fane → Angrelogg.

2.7.2. Å bruka angreloggen

Det mest nærliggande er å velja eit punkt i angreloggen ved å klikka på det. Du kan trygt klikka deg framover eller bakover i lista utan å vera redd for å mista informasjon om biletet eller å bruka opp ressursane. Som oftast går forandringane svært raskt.

	Tips
	Tastekombinasjonen Ctrl + F opnar ei søkjefil. Sjå Vis som liste

Det er tre knappar nedst har desse funksjonane:

Angre

Denne knappen gjer det same som når du vel Rediger → Angre frå biletmenyen, eller trykker snartastane Ctrl+Z. Han opnar det førre biletet i angreloggen, altså det som ligg eitt hakk opp i dialogvindauget.

Gjenta

Denne knappen gjer det same som når du vel Rediger → Gjenta frå biletmenyen, eller trykker tastekombinasjonen Ctrl + Y. Han opnar det neste biletet i angreloggen, altså det som ligg eitt hakk ned i dialogvindauget.

Tøm angreloggen

Denne knappen fjernar alt innhaldet i angreloggen, bortsett frå det gjeldande biletet. Dette er såpass drastisk at du får spørsmål om du verkeleg vil dette. Den einaste grunnen til å bruka denne knappen er dersom du er i ferd med å gå tom for ledig minne.

	Notat
	I ei fane er dette dialogvindauget representert av

	Notat
	Du kan bestemma kor stort angrenivået skal vera i Systemresursar.


2.6. Navigeringsdialogvindauget		3. Dialogvindauge relaterte til biletinnhaldet