Kvart lag får automatisk sitt eige namn når det vert oppretta. Du kan endra namnet ved å dobbeltklikka på laget i lagdialogvindauget, eller høgreklikka og deretter velja Rediger lagattributta i sprettoppmenyen.

Alfakanalen inneheld informasjon om kor gjennomsiktig kvar piksel i laget er. Dette er synleg i kanaldialogvindauget ved at kvit representerer fullstendig ugjennomsiktig, svart fullstendig gjennomsikt og gråtonene delvis gjennomsikt.

Bakgrunnslaget er noko spesielt. Dersom du nettopp har oppretta eit nytt bilete, har dette biletet berre eitt lag, som er bakgrunnslaget. Dersom biletet vart oppretta med ein ugjennomsiktig fylltype, vil dette laget heller ikkje ha nokon alfakanal. Du kan laga eit bakgrunnslag med gjennomsikt anten ved å oppretta eit nytt bilete med ein gjennomsiktig fylltype, eller ved å bruka legg til alfakanal.

Viss du legg til eit nytt lag, sjølv med ein ugjennomsiktig fylltype, vert det automatisk lagt til eit alfalag.

Alle andre lag enn det nedste laget i eit bilete har automatisk ein alfakanal, men du kan ikkje sjå ein gråtonerepresentasjon av alfaverdiane. Sjå Alfa i ordlista for meir informasjon.

Eksempel på alfakanal. 

Figur 8.2. Alfakanaleksempel: originalbiletet

Originalbiletet.

Dette biletet har tre lag teikna med raud, grøn og blå med full dekkevne. Det gjeldande laget er det raude.

I kanaldialogvindauget er den tillagde alfakanalen kvit fordi biletet ikkje er gjennomsiktig sidan det er eit raudt lag med 100 % dekkevne. Sidan det gjeldande raude laget er 100 % ugjennomsiktig er det ingen blå og grøn slik at dei tilhøyrande kanalane er svarte.

Figur 8.3. Alfakanaleksempel: eitt gjennomsiktig lag

Den venstre delen av det første laget er gjort gjennomsiktig (via Del 2.2, «Rektangelutvalet», så Rediger → Tøm).

Det andre laget, grøn, er synleg.

alfakanalen er framleis kvit sidan det er eit ugjennomsiktig lag i denne delen av biletet.

Figur 8.4. Alfakanaleksempel: to gjennomsiktige lag

Den venstre delen av det andre laget er gjort gjennomsiktig.

Det tredje laget, blå, er synleg gjennom det første og andre laget.

alfakanalen er framleis kvit sidan det er eit ugjennomsiktig lag i denne delen av biletet.

Figur 8.5. Alfakanaleksempel: tre gjennomsiktige lag

Den venstre delen av det tredje laget er tømt. I dette tilfellet verkar kommandoen «tøm utvalet» på same måten som viskelêret og brukar bakgrunnsfargen frå verktøykassen.

Den venstre delen av det tredje laget er ugjennomsiktig fordi bakgrunnslaget ikkje har nokon alfakanal.

alfakanalen er framleis kvit.

Figur 8.6. Alfakanaleksempel: Alfakanal er lagt til bakgrunnslaget

Me brukte kommandoen Lag → Gjennomsikt → Legg til alfakanal på (det blå) bakgrunnslaget. Den venstre delen av biletet er no fullstendig gjennomsiktig og harfargen til sida der biletet vert vist.

Den venstre delen av det blå laget har vorte gjennomsiktig.

Den venstre delen av miniatyren av alfakanalen er svart (gjennomsiktig) i kanaldialogvindauget.

Lagtypen vert bestemt av bilettypen (sjå førre bolken) og om alfakanalen er til stades eller ikkje. Her er dei moglege lagtypane:

Hovudgrunnen til at dette er viktig, er at nokre filter i Filter-menyen berre aksepterer nokre få lagtypar og vert gråmarkerte i menyen dersom filteret ikkje kan arbeida på det gjeldande laget. Ofte kan du ordna på dette ved å endra modus for biletet eller ved å leggja til eller ta bort ein alfakanal.

Du kan gjera eit lag usynleg utan å øydelegga det, ved å klikka på augesymbolet i lagdialogvindauget. Eit nytt klikk på auget gjer laget synleg igjen. Dei fleste operasjonane handsamar eit lag som er avslått på denne måten som eit lag som ikkje finst. Når du arbeidar med eit bilete med mange lag med varierande dekkevne, kan det ofte vera lurt å slå av lag som ikkje er nødvendige for å få eit betre oversyn over dei laga du arbeidar med.

	Tips
	Dersom du held nede Shift-tasten og klikkar på augesymbolet, vert alle laga unntatt det du klikka på gøymde.

Til vanleg slår du på du eit lag for å arbeida på det. Dette gjer du ved å klikka i laglista. Har du mange lag, kan det vera vanskeleg å finna laget som eit element høyrer til i: hald nede Alt-tasten og klikk med musehjulet på elementet for å slå på laget. Programmet vil gå gjennom lag for lag ovanfrå medan Alt vert halde nede og namnet på det aktuelle laget vert vist på statuslinja.

Viss du klikkar til høgre for augeikonet, kan du velja lås innstillingane for laget.

Til venstre for miniatyren av biletet kan du sjå ikonet Lageffektar viss det er lagt til ein effekt i laget.

Sjå Bruka lageffektar for fleire detaljar.

I GIMP er det slik at grensene for eit bilete og grensene for laga i dette biletet ikkje treng vera dei same. Når du t.d. legg inn tekst, vert kvar tekstdel lagt inn i kvar sitt lag. Kvart av desse laga vert akkurat store nok til å gje plass til teksten. Det same skjer når du lagar eit nytt lag ved å klippa og lima. Det nye laget vert akkurat så stort at det er plass til objektet du limte inn. Grensene for det gjeldande laget vert markerte i biletet med ei svart og gul prikkelinje.

Hovudgrunnen til at dette er viktig, er at du ikkje kan gjera noko med eit lag utføre laggrensene viss du ikkje har slått på Utvid lag i Innstillingar for teikneverktøya. Viss dette gjev problem, kan du endra storleiken på laget ved å bruka fleire av kommandoane nedst i Lagmenyen.

	Notat
	Kor mykje minne eit lag brukar, er avhengig av storleiken på laget, ikkje av innhaldet. Difor kan det løna seg å setja storleiken på laga til eit minimum dersom du arbeidar med store bilete eller på bilete med mange lag.

Dekkevna til eit lag bestemmer kor mykje av fargane frå dei underliggande laga som skal vera synlege. Altså kor gjennomsiktig laget skal vera. Dekkevna vert sett på ein skala frå 0 til 100, med 0 som fullstendig gjennomsiktig (transparent) og 100 som fullstendig ugjennomsiktig (opakt).

Med modus til laget meiner ein korleis fargane i laget vert kombinerte med fargane frå laga under. Dette er såpass vanskeleg og samstundes så viktig, at det fortener eit eige avsnitt. Sjå Lagmodus.

I tillegg til alfakanalen, er det også ein annan måte å kontrollera kor gjennomsiktig eit lag skal vere, nemleg ved å legge til ei lagmaske. Dette er eit ekstra gråskalalag som vert lagt til laget. Du kan bruka alle teiknereiskapa på denne maska. Lagmaska vert ikkje lagt til automatisk, så du må gjera dette manuelt dersom du har behov for maska. Du finn nærare omtale av lagmasker i Del 2.1.4, «Lagmasker».