Du har tilgang til dette menyvalet på biletmenyen via Fargar → Auto.

I GIMP finn du fleire måtar for automatisk utstrekking av fargane, dvs. å strekka ut kolonnene i histogrammet for fargekanalane i det aktive laget. Ved å flytta lyse pikslar til høgre og mørke pikslar til venstre, vert lyse pikslar lysare og mørke pikslar mørkare. Dette påverkar kontrasten i biletet.

Nokre av kommandoane strekker dei tre fargane likt. Dette fører til at fargetonen ikkje vert forandra. Andre strekker kvar av fargekanalane for seg, noko som fører til endringar i kuløren.

Måten strekkinga vert gjort på, skifter med dei ulike kommandoane. Difor vert også resultata forskjellige. Det finst ingen lett måte å vita på førehand korleis resultatet vert, difor vil det som oftast vere enklast å prøve seg fram. Dersom du veit nøyaktig kva du gjer, kan du få dei same resultata, eller faktisk i nokre tilfelle betre, med nivåverktøyet.

For å gjere samanliknane enklare, er det her samla nokre eksempla på ulike verknader. Dette er og vert eksempel. Den einaste sikre måten å finne ut av dette på, er å prøve ut kommandoane på eigne bilete.