Kommandoen Kvitbalanse justerer automatisk fargane i det gjeldande laget ved å strekkja ut kanalane for raud, grøn og blå kvar for seg. Dette vert gjort ved at fargar som vert brukte av mindre enn 0,05 % av pikslane i laget vert fjerna frå kvar ende av kvart av histogramma for raud, grøn og blå. Dei resterande pikslane vert best mogleg fordelte i det ledige området. Resultatet er at fargar som berre finst i små mengder i ytterpunkta av histogramma (dette er kanskje støvflekkar o.l.) ikkje har nokon negativ påverknad på maksimums- og minimumsverdiane som vert brukte for å strekkja histogrammet. På same måten som for Strekk kontrast, kan du oppleva nyanseskifte i det ferdige biletet.

Dette valet passar for bilete med manglande svart eller kvit. Sidan det har ein tendens til å føya til rein svart eller reint kvitt, kan det vera nyttig t.d. for å forbetra foto.