3.16. Gni ut

3.16. Gni ut
	3. Teikneverktøya

«Gni ut»-verktøyet lagar fingermåling. Det fungerer på to måtar:

Flyt er sett til 0,00 (standard), vil utsmøringsverktøyet bruka den gjeldande penselen for å smørja ut fargane i det gjeldande laget eller utvalet. Det tek ein farge i forbifarten og brukar denne for å blanda med den neste fargen det møter.
Når Flyt er større enn 0,00, verkar utgnidingsverktøyet som ein pensel som blandar forgrunnsfargen i verktøykassen med den underliggjande fargen.

3.16.1. Å slå på verktøyet

Det er fleire måtar å slå på verktøyet på:

Frå biletmenyen via Verktøy → Teikneverktøya → Gni ut.
Ved å klikka på verktøysymbolet i verktøykassen.
Ved å trykkja tasten S.

3.16.2. Valtastar

Shift: Shift-tasten gjer at utglattingsverktøyet teiknar rette linjer. Held du nede Shift medan du klikkar på venstre museknapp, vert det teikna ei rett linje. Klikkar du fleire gonger, skjer utglattinga i rette linjer frå sluttpunktet til den førre linja.

Figur 14.80. Symbolet for «gni ut» i verktøykassen

Shift-klikk og dra for å laga ei linje
Ctrl: Tastekombinasjonen Ctrl + Shift gjer at verktøyet teiknar i vinklar delelege med 15°. (15°, 30° osv.)

3.16.3. Innstillingar

Figur 14.81. Dialogvindauget for verktøyinnstillingane

Normalt vert innstillingane for det valde verktøyet vist under verktøykassa så snart som du slår på verktøyet. Dersom dette ikkje er tilfelle, kan du få tilgang til dei frå biletmenyen via Vindauge → Dokkpanel → Verktøyinnstillingar som vil opna verktøyinnstillingane for det valde verktøyet. Du kan også opna verktøyinnstillingane ved å dobbeltklikka på det tilsvarande verktøyikonet i verktøykassen.

Dekkevne, Pensel, Storleik, Sideforhold, Vinkel, Mellomrom, Hardleik, Tving, Penseldynamikk, Innstillingar for penseldynamikk, Legg til sitring, Mjukare strok, Lås penselen til visinga, Utvid laga

Du finn ei beskriving av innstillingar som gjeld mange eller alle teikneverktøya under felles innstillingar for teikneverktøya.

Hard kant

Dette valet gjev eit hardt omriss for det utsmurde området.

Ingen sletteeffekt

Viss utgnidinga reduserer alfa for nokre pikslar, vert alfaen ikkje redusert viss dette alternativet er merkt av. Pikslane vert difor ikkje sletta. Dette er nyttig for å fylla eit gap mellom to fargeområde.

Figur 14.82. Eit eksempel på «Ikkje slett»

Utan «Ingen sletteeffekt»

Med «Ingen sletteeffekt»

Flett synlege

Viss du slår på dette valet, vert prøvene ikkje berre rekna ut på grunnlag av verdiane i det gjeldande laget, men frå alle synlege lag.

Du kan finna meir om dette i ordforklaringar.

Mengd

Dette valet kunne vore kalla «utgnidingslengd» sidan det bestemmer lengda på utgnidingseffekten i eit strok.

Figur 14.83. Eksempel på mengd

1: Mengd = 20 2: Mengd = 60 3: Mengd = 90

Flyt

Me har alt sett skilnaden når «Flyt» er sett til 0,00 (arbeidar på det opphavlege utglattingsverktøyet) og sett til større enn 0,00 (brukar forgrunnsargen for utglattinga).

Her er merknadar og eksempel på bruk av «Ingen sletteeffekt» og «Flyt» frå gimp-forum.net: